Monday, December 10, 2018

Тэхнічная інфармацыя на другі старт BNTUOPEN1819

15 снежня 2018 года, “Парк Тышкевічаў”

г. Лагойск

Праграма

10:00 – Адкрыццё рэгістрацыі на месцы старта

11:00 – Пачатак старта

13:00 – Закрыццё старта

14:00 – Закрыццё фініша

Заяўка

Заяўка ажыцяўляецца праз Google-форму на інфармацыйнай старонке спаборніцтваў http://obntuopen.blogspot.com.by, а таксама праз электронны ліст

на скрыню bntuopen@gmail.com

Заяўка на этап зачыняецца 13 снежня 2018 года (чацвер) у 23:59

Мапа і мясцовасць

"Парк Тышкевічаў" - маштаб 1:4000, сячэнне 2.5 метра

Аўтары: Аляксей Лабчэўскі, Дзмітрый Ветошкін

Карэкціроўка: Аляксей Лабчэўскі 2018 год

Мапа герметызавана. ISSOM 2007

Парк Тышкевічаў і гарадская забудова. Розная праходнасць расліннасці ў парку, у асноўным добрая. Рэльеф з перападам вышыні на схіле да 25 м

(ёсць вельмі крутыя схілы). Дарожная сетка развіта добра.

Небяспечныя месцы: Крутыя схілы ў парку, малаінтэнсіўны аўтамабільны рух у гарадской частцы. Катэгарычна забаронена выходзіць на лёд (р. Гайна).

Чырвонай штрыхоўкай заштрыхаваныя вуліцы з інтэнсіўным рухам - забаронены рух у названых месцах.

Дыстанцыі

Дыстанцыя	Даўжыня*	Каэфіцыент дыстанцыі
Д1	5000 м	100
Д2	3700 м	80
Д3	2500 м	60
Д4	1500 м	50

*прапанаваныя параметры дыстанцый могуць нязначна змяніцца

Планіроўка: Аляксей Лабчэўскі

Інспекцыя: Арцём Логінаў

Прапановы:

1) Д1-Д3: Падыдзе ўсім дарослым спартоўцам, у залежнасці ад упадабанай даўжыні.

2) Д4: Прапануецца для пачаткоўцаў і дзяцей.

Легенды

Легенды ўдрукованы ў мапу. Таксама будзе магчымасць атрымаць асобную легенду пры регістрацыі.

Адзнака

На спаборніцтвах будзе выкарыстана электронная адзнака SPORTident. Дапускаецца ўдзел са сваім чыпам, нумары якіх неабходна ўказаць пры заяўцы.

Форма адзення

Пажадана закрытая форма адзення і шыпаваны абутак. Зважайце на надвор'е і апранайцеся адпаведна!

Парадак старту

Старт адкрыты. Удзельнік сам абірае любую даступную на дадзены момант хвіліну падчас працэдуры рэгістрацыі. Старт адкрыты 2 гадзіны.

Рэгістрацыя/Цэнтр спаборніцтваў у Цэнтры дзіцячай Творчасці Лагойскага раёна (г. Лагойск, вул. Камсамольская, 25).

Старт вынасны. 200 метраў ад Цэнтра спаборніцтваў. Счытванне чыпаў пасля фінішу будзе адбывацца ў будынку Цэнтра творчасці.

Размяшчэнне

Пераапрануцца і пакінуць рэчы можна будзе у Цэнтры дзіцячай Творчасці Лагойскага раёна (Цэнтр спаборніцтваў). Туалет у будынку Цэнтра Творчасці.

Каардынаты GPS цэнтра спаборніцтваў: 54.205659, 27.842270

Праезд

На грамадскім транспарце: Ад аўтастанцыі "Славінскага" (г. Мінск, вул. Славінскага, 18) аўтобусамі №№ 251, 350, 351, 542, да аўтастанцыі "Лагойск"

(г. Лагойск, вул. Савецкая, 42), затым пешшу 1200 мертаў (гл. схему) да Цэнтра дзіцячай Творчасці Лагойскага раёна (г. Лагойск, вул. Камсамольская, 25).

Расклад руху наземнага транспарту ўдакладняйце на сайце "Мінсктранс", праз сэрвіс "TicketBus" альбо праз сэрвіс "Яндекс Расписания".

Маршруткі: Ад метро Усход. Заказ Ехаць да прыпынку РДК (Раённы дом культуры).

Каардынаты GPS цэнтра спаборніцтваў: 54.205659, 27.842270

$D:\Orienteering\Competition\BNTUOPEN\bntuopen1819\2\BO2.jpg$

Sunday, November 18, 2018

Тэхнічная інфармацыя на першы старт BNTUOPEN1819

25 лістапада 2018 года, “Карніз балота”

Спаборніцтвы прысвячаюцца памяці калег спартоўцаў, каторых мы згубілі ў розны час і пры розных абставінах.

Праграма

10:00 – Адкрыццё рэгістрацыі на месцы старта

10:30 – Урачыстае адкрыццё спаборніцтваў

11:00 – Пачатак старта

13:00 – Закрыццё старта

14:00 – Закрыццё фініша

Заяўка

на скрыню bntuopen@gmail.com

Заяўка на этап зачыняецца 22 лістапада 2018 года (чацвер) у 23:59

Мапа і мясцовасць

"Карніз балота" - маштаб 1:10000, сячэнне 2.5 метра

Аўтар: Дзянісаў Валерый. Мапа падрыхтавана ў 2016 годзе

Мапа герметызавана. Памер А4. ISOM 2017

Былы вайсковы палігон. Лес змешаны, рознай праходнасці. Рэльеф малаперасечаны (перапад вышыні на схіле да 10 м), з вялікай колькасццю

мікрааб'ектаў. Дарожная сетка ад добра развітой да поўнай адсутнасці.

Небяспечныя месцы: ваеннае стрэльбішча, былыя ваенныя збудаванні, доты, ўваходы ў падземныя бункеры. Небяспечныя і забароненыя месцы будуць

пазначаны у мапе чырвонай штрыхоўкай (s.№ 709 ISOM 2017)

Раён спаборніцтваў абмежаваны: з поўначы в. Ляскоўка, з захаду в. Валяр'янава, з поўдня і усходу - ЛЭП.

Аварыйны азімут: на поўдзень да ЛЭП, затым на ўсход уздоўж ЛЭП да цэнтра спаборніцтваў

Дыстанцыі

Дыстанцыя	Даўжыня*	Колькасць КП	Каэфіцыент дыстанцыі
Д1	9000 м	25	100
Д2	7000 м	20	80
Д3	4500 м	15	60
Д4	2800 м	8	50
Д5	1600 м	6	40

*прапанаваныя параметры дыстанцый могуць нязначна змяніцца

Планіроўка: Валерый Марчук

Інспекцыя: Арцём Логінаў

Прапановы:

1) Д1-Д3: Падыдзе ўсім дарослым спартоўцам, у залежнасці ад упадабанай даўжыні. Маюць тэндэнцыю да спрашчэння ад Д1 да Д3

2) Д4-Д5: Прапануецца для пачаткоўцаў і дзяцей

Легенды

Легенды ўдрукованы ў мапу. Таксама будзе магчымасць атрымаць асобную легенду пры регістрацыі.

Адзнака

Форма адзення

Пажадана закрытая форма адзення і шыпаваны абутак. Зважайце на надвор'е і апранайцеся адпаведна!

Парадак старту

Размяшчэнне

Размяшчэнне на стартавай паляне. Рэчы можна будзе пакінуць ў судзейскім намёце ў раёне фініша.

Каардынаты GPS цэнтра спаборніцтваў: 53.981412, 27.764237

Праезд

$D:\Orienteering\Competition\BNTUOPEN\bntuopen1819\BO1Mini.jpg$

На грамадскім транспарце:

Ад станцыі метро "Уручча" аўтобусамі №№ 286, 234, 246, 263, 299, 309, 410 да прыпынку "Жукаў Луг" (гл. схему), затым пешшу 550 мертаў.

Расклад руху наземнага транспарту ўдакладняйце на сайце Мінсктранс (www.minsktrans.by).

Каардынаты GPS цэнтра спаборніцтваў: 53.981412, 27.764237

$D:\Orienteering\Competition\BNTUOPEN\bntuopen1819\BO1.jpg$

Паркоўка

Як паказана на схеме

$D:\Orienteering\Competition\BNTUOPEN\bntuopen1819\BO1P.jpg$

Sunday, November 11, 2018

Палажэнне BNTUOPEN1819

Палажэнне

аб правядзенні спаборніцтваў па спартыўным арыентаванні прысвечаных памяці сяброў

“BNTUOPEN1819”

Спаборніцтвы прысвячаюцца памяці калег спартоўцаў, каторых мы згубілі ў розны час і пры розных абставінах.

Мэты і задачы

Папулярызацыя спорту і спратыўнага арыентавання, здаровага ладу жыцця; падтрымка спратыўнай формы ў міжсезонны перыяд; вясёлае баўленне
часу.

Арганізатары

Клуб спартыўнага арыентавання “БНТУ”.

Час і месца

Спаборніцтвы праводзяцца ў 5 этапаў. Этапы адбываюцца штомесяц пачынаючы з лістапада і скончваючы сакавіком.

25.11.2018 (нд) Карніз балота, Мінскі раён,
15.12.2018 (сб) парк Тышкевічаў, г. Лагойск,
13.01.2019 (нд) Акадэмія навук,
17.02.2019 (нд) Акадэмія мастацтваў
17.03.2019 (нд) Барысаў-Арэна, г. Барысаў.

25.11.2018, 10.30 – урачыстае адкрыццё спаборніцтваў.

11.00-13.00 – час працы старта ўсiх этапаў.

Начны этап:

22.12.2018 (сб) Кампус БНТУ, г. Мінск.

19.00 - масавы-старт

Падлік і ўзнагароджанне адразу пасля старта і на падлік суммы вынікаў усіх этапаў не ўплывае.

Фармат спраборніцтваў

4-5 дыстанцыі для мужчын і жанчын ад максімальна простай да максімальна тэхнічнай.

Асобна па-за агульным падлікам праводзіцца начны страт. Балы для гэтага старта не падлічваюцца і яго пераможцы ўзнагароджваюцца асобна.

Заяўка

праз форму на сайце http://obntuopen.blogspot.com.by - кнопка “Рэгістрацыя”,
праз электронную пошту bntuopen@gmail.com (у тэме ліста указвайце “рэгістарцыя на этап №_нумар_этапа”),
без рэгістрацыі можна прабегчы дыстанцыю адкрытай групы на некаторых этапах (колькасць картаў абмежаваная),
заяўка скончваецца ў 23:59 кожнага чацвера перад стартам.

Сістэма адзнакі

SportIdent

Магчыма карыстацца сваім чыпам альбо чыпам арганізатараў.

Кошт

Арэнда чыпу

1,5 BYN для дарослых,
0,5 BYN для удзельнікаў маладзейшых за 18 і старэйшых за 60 гадоў.

Кошт удзелу

Абанементы: для тых, хто плануе ўдзельнічаць ва ўсіх этапах на першым старце можна будзе заявіцца на усе 5 стартаў адначасова. Гэта дазволіць
мінімізаваць траты і удзельнікам і арганізатарам.

20 BYN для дарослых (27.5 BYN з арэндным чыпам),
15 BYN (17.5 BYN з арэндным чыпам) для удзельнікаў маладзейшых за 18 і старэйшых за 60 гадоў.

Кошт асобных этапаў:

5 BYN для дарослых,
4 BYN для удзельнікаў маладзейшых за 18 і старэйшых за 60 гадоў.

Начны старт:

4 BYN для дарослых,
3 BYN для удзельнікаў маладзейшых за 18 і старэйшых за 60 гадоў.

Вынікі і узнагароджанне

Падводзіцца сума вынікаў чатырох лепшых этапаў для кожнай узроставай групы.

На турах вынікі падводзяцца па дыстанцыях, асобна для мужчын і жанчын без уліку ўзроставых групаў. Балы налічваюцца згодна з формулай і
акругляюцца да цэлага:

Бу = Кд × Vу ÷ Vэ

дзе Бу - балы удзельніка,

Кд - каэфіцыент дыстанцыі,

Vу - хуткасць удзельніка, км/гадз,

Vэ - эталонная хуткасць, км/гадз.

Эталонная хуткасць Vэ разлічваецца для кожнага тура асобна для жанчын і для мужчын. Роўная сярэднему арыфметычнаму для 5-ці найхутчэйшых
удзельнікаў адпаведнага полу, што прайшлі дыстанцыі Д1, Д2. У выпадку калі пазначаныя дыстанцыі скончылі менш за 10 удзельнікаў, у якасці
эталоннай хуткасці прымаецца хуткасць лепшага ўдзельніка.

Каэфіцыент дыстанцыі Кд прызначаецца рашэннем галоўнага суддзі па выніках аналізу дыстанцый тура з улікам даўжыні і тэхнічнай складанасці
дыстанцый. Значэнне каэфіцыенту дыстанцый Кд публікуецца ў тэхнічнай інфармацыі для кожнага тура. У выпадку ўвядзення дадатковых дыстанцый
балы за іх будуць налічвацца рашэннем галоўнага суддзі, аб чым будзе паведамленне у тэхнічнай інфармацыі для тура.

Узнагароджанне памятнымі прызамі і падарункамі.

Каманда

Галоўны суддзя - Каралёў Яўген;
Галоўны сакратар - Карагода Віктар;
Суддзi дыстанцый - Логінаў Арцём, Марчук Валеры, Карагода Аркадзь.

Дадатковая інфармацыя

За тыдзень да кожнага этапа будзе абвешчаная тэхнічная інфармацыя гэтага этапа.

Кантактная інфармацыя

Старонка: http://obntuopen.blogspot.com.by
E-mail: bntuopen@gmail.com
Тэлефон: +375259196017 - Яўген Каралёў